Ankesë për shkeljen e të dhënave personale në rastet e raportimit të vetëvrasjeve

Qendra për Raste Gjyqësore Strategjike (CSL) ju njofton se ka pranuar kërkesën e Qendra për Informim dhe Përmirësim Social (QIPS) për t’i ofruar ndihmë juridike në fushën e të drejtës në mbrojtje të të dhënave personale. QIPS ka shprehur shqetësimin për mënyrën e raportimit nga ana e portaleve në rastet e vetëvrasjes apo tentim vetëvrasjes duke publikuar të dhëna personale në kundërshtim me Ligjin për mbrojtjen e të dhënave personale e po ashtu edhe në kundërshtim me Kodin e Mediave të Shkruara.

Për këtë arsye, në interes të familjeve të prekura nga raportimet e tilla, është dërguar një Ankesë për shkelje të të dhënave personale në Agjencinë për Informim dhe Privatësi duke kërkuar që të largohen nga portali lajmet e tilla që përmbajnë të dhëna personale dhe të kërkohet që të mos publikohen të dhëna të ngjashme, në përputhje me Ligjin për mbrojtjen e të dhënave personale.

Vetëm nga qershori i vitit 2022 deri në shtator 2022, portali për të cilin QIPS ka parashtruar ankesë, ka publikuar 11 raste të vetëvrasjes duke paraqitur fotografi të personit, emrin dhe mbiemrin e personit që ka kryer vetëvrasje, vendbanimin e personit, lokacionin ku është kryer vetëvrasja, ndonjëherë edhe lidhja familjare me ndonjë fytyrë publike, si dhe pjesë nga letra e lamtumirës, mosha e personit dhe mënyra se si është kryer vetëvrasja. Publikimet e tilla, përveç se janë në kundërshtim me Ligjin për mbrojtjen e të dhënave personale, me Kodin e mediave të shkruara, gjithashtu paraqesin rrezik real që të nxisin stigmatizimin dhe përsëritjen e veprimeve vetëvrasëse. Në psikologji kjo njihet si efekti “Werther” apo “Copycat Suicide” ku persona të cilët glorifikohen apo polemizohen, nëpërmjet raportimeve të mediave shpiejnë drejt një rritjeje të dukshme të vetëvrasjeve duke përdorë mënyrat e njëjta të vdekjes. Identiteti i personit që ka kryer vetëvrasje nuk është në interes të publikut dhe publikimi i këtyre të dhënave mund të shkaktojë dëm, jo vetëm familjarëve të personit që ka kryer vetëvrasje, por edhe personave që gjejnë ngjashmëri me situatën e personit dhe kjo mund të bëjë që ai person të imitojë. Për këtë arsye, mediat duhet të kenë kujdes të shtuar në raportimin e këtyre ngjarjeve dhe të veprojnë në përputhje me legjislacionin në fuqi dhe me kodin gazetaresk.

CSL dhe QIPS kërkon që të merren masa ndaj portalit duke krijuar precedent, në mënyrë që portalet të veprojnë në përputhje me Ligjin për mbrojtjen e të dhënave personale, duke mbrojtur të drejtën e privatësisë dhe të mbrojtjes së të dhënave personale të qytetarëve të Republikës së Kosovës.

CSL mbetet e përkushtuar në mbrojtjen e të drejtës së privatësisë dhe në përgjithësi të të drejtave të njeriut përmes padive strategjike dhe mjeteve tjera ligjore! CSL ka për qëllim luftimin e problemeve kolektive përmes rasteve individuale. Andaj, fton të gjithë ata që konsiderojnë se ju është shkelur ndonjë e drejtë nga institucionet publike të na kontaktojnë duke na treguar për rastin e tyre.

CSL parashtron ankesë në Zyrën e Rregullatorit për Energji (ZRRE) kundër të licencuarit KESCO për moskryerjen e oligimeve ligjore.

Të nderuar qytetarë,

Qendra për Raste Gjyqësore Strategjike (#CSL) ju njofton se ka parashtruar ankesë në Zyrën e Rregullatorit për Energji (#ZRRE) kundër të licencuarit KESCO për moskryerjen e oligimeve ligjore. Qendra ka pranuar kërkesën e një qytetareje për t’i ofruar ndihmë juridike në fushën e gëzimit të së drejtës së saj për qasje në shërbime publike. CSL ka marrë rastin e saj për arsye se ka vërejtur se #KESCO ka vepruar në kundërshtim me Rregulloren e ZRRE-së për shkyçjen dhe rikyçjen e konsumatorëve në sektorin e energjisë.

Në këtë rast, qytetares/konsumatores së energjisë elektrike i është shkelur e drejta në vazhdimësi të furnizimit me energji elektrike, për arsye se KESCO ka vepruar në kundërshtim me rregullat e përcaktuara nga ZRRE duke e shkyçur pa e njoftuar në mënyrë të duhur, si dhe duke mos e rikyçur brenda afatit të përcaktuar pa asnjë njoftim parprak. Konsumatorja e energjisë elektrike është shkyçur nga furnizimi me energji, për arsye të mospagesës së një fature. Shkyçja e konsumatores nga sektori i energjisë kishte ndodhur në kundërshtim me rregullat e përcaktuara, sepse neni 14, paragrafi 5 i Rregullës për shkyçjen dhe rikyçjen e konsumatorëve në sektorin e energjisë, përcakton se njoftimi për shkyçje duhet të bëhet të paktën tre (3) ditë kalendarike para datës për shkyçje. Në këtë rast kjo nuk ka ndodhur dhe konsumatorja e ka pranuar njoftimin për shkyçje vetëm pasi kishte ndodhur shkyçja.

Për më tepër, as rikyçja nuk ka ndodhur sipas rregullave të përcaktuara nga ZRRE, sepse edhe pas pagesës së borxhit të mbetur, rikyçja në furnizimin me energji elektrike nuk ka ndodhur. Rregullorja për shkyçjen dhe rikyçjen e konsumatorëve në sektorin e energjisë përcakton se: “Një ndërmarrje e energjisë do ta rikyçë objektin e një konsumatori të shkyçur jo më vonë se 24 orë pasi të jenë plotësuar kushtet për rikyçje (…)”. Edhe pse konsumatorja ka njoftuar me kohë për përmbushjen e kushteve për rikyçje, të cilin email KESCO ka konfirmuar që e ka pranuar, rikyçja nuk është bërë as pas 48 orëve. Kjo është një shkelje flagrante e të drejtave të konsumatores , për arsye se konsumatorët kanë të drejtë të kenë qasje jodiskriminuese në sistemet e transmetimit, shpërndarjes dhe të interkoneksionet dhe të kenë vazhdimësi të furnizimit.

Qendra (CSL) me ankesën e parashtruar kërkon që të merren masa ndaj të licencuarit KESCO, në mënyrë që në të ardhmen KESCO të jetë më e përgjegjshme dhe të veprojë çdo herë në përputhje me rregullat e përcaktuara nga ZRRE.

CSL mbetet e përkushtuar në luftimin e problemeve kolektive përmes rasteve individuale.CSL fton të gjithë ata që konsiderojnë se ju është shkelur ndonjë e drejtë nga institucionet publike të na kontaktojnë duke na treguar për rastin e tyre.

Aplikoni përmes emailit [email protected] dhe vizitoni faqen tone: APLIKO . CSL ka për qëllim që t’i mbrojë të drejtat e qytetarëve, përfshirë të drejtat e tyre në shërbime publike dhe në përgjithësi të të drejtave të njeriut përmes padive strategjike dhe mjeteve tjera ligjore

Padi për konflikt administrativ kundër vendimit për refuzimin e trajtimit mjekësor jashtë institucioneve publike shëndetësore

Organizata paditëse GLPS dhe një qytetare e Republikës së Kosovës, të cilës i është refuzuar trajtimi mjekësor jashtë institucioneve publike shëndetësore kanë paraqitur padi për konflikt administrativ. Kjo padi është paraqitur kundër Ministrisë së Shëndetësisë.

Në muajt e fundit është raportuar për keqpërdorime në Fondin e Sigurimeve Shëndetësore, e sidomos në programin për trajtim mjekësor jashtë institucioneve publike shëndetësore që funksionon në kuadër të këtij Fondi. Në rastin tonë, paditëses së dëmtuar i është refuzuar përfitimi nga programi për trajtim mjekësor jashtë institucioneve publike shëndetësore, përkundër faktit që ajo i kishte plotësuar të gjitha kushtet dhe kishte dorëzuar dokumentacionin e nevojshëm. Paditësja, edhe pas kontrolleve dhe analizave të shumta në institucionet shëndetësore publike dhe private në vendin tonë, nuk kishte arritur të gjejë shërim e as të marrë ndonjë diagnozë të duhur. Pas pranimit të vendimit për refuzim, Paditësja kishte dorëzuar ankesë kundër këtij vendimi, të cilën Komisioni i ankesave për trajtim mjekësor jashtë institucioneve shëndetësore publike e refuzoi.

Në bazë të provave të siguruara nga qytetarja në lidhje me vendimin e nxjerrë për refuzim të ankesës së saj kundër vendimit për refuzim të përfitimit nga programi për trajtim mjekësor jashtë institucioneve publike shëndetësore, kemi gjetur disa shkelje ligjore. Fillimisht, paditësja është diskriminuar dhe nuk i është ofruar qasje për trajtim mjekësor. Pra, Institucionet publike shëndetësore kanë dështuar t’i ofrojnë paditëses kujdes të barabartë shëndetësor, pa e diskriminuar në asnjë formë, si dhe nuk kanë arritur që ta respektojnë të drejtën e marrjes së shërbimeve në fushën e shëndetit, e drejtë kjo e garantuar edhe me Deklaratën Universale për të Drejtat e Njeriut.

GLPS dhe dy qytetare të Republikës së Kosovës, viktima të sulmit nga qentë endacakë kanë paraqitur padi për mosveprim të organeve shtetërore

Organizata paditëse GLPS dhe dy qytetare të Republikës së Kosovës, të cilat kanë pësuar sulm nga qentë endacakë kanë paraqitur padi për mosveprim të organeve shtetërore, shkelje të të drejtave të njeriut dhe për kompensim të dëmit. Kjo padi është paraqitur kundër Ministrisë së Bujqësisë, Pylltarisë dhe
Zhvillimit Rural, Agjencisë së Ushqimit dhe Veterinarisë, si dhe Komunës së Prishtinës.

Në vitet e fundit në Kosovë, qentë endacakë paraqesin rrezik të madh për jetën dhe sigurinë e qytetarëve të Kosovës duke qenë se shpesh ndodh që qentë endacakë t’i sulmojnë qytetarët. Në rastin tonë, paditëseve, Kosovares dhe Afërditës, nga sulmi që kanë pësuar nga qentë endacak ju është rrezikuar jeta,
shëndeti dhe ato kanë pësuar frikë të intensitetit të lartë që ka ndikuar në jetën e tyre të përditshme, për arsye se ato nuk ndihen të sigurta të ecin nëpër rrugët e Prishtinës. Andaj, konsiderojmë se bashkëpaditëseve ju është shkaktuar dëm afatgjatë dhe për këtë kërkojnë përgjegjësi nga institucionet publike dhe kompensim të dëmit. Nga mosveprimi i intitucioneve publike të paditura, paditësve dhe shumë qytetarëve ju shkelen të drejtat dhe liritë themelore të mbrojtura me Kushtetutën e Republikës së Kosovës, si e drejta në jetë, integritet trupor, shëndet, si dhe në liri lëvizjes.

Me rastin e sulmit nga qentë endacakë ndaj paditëseve, kemi gjetur disa shkelje ligjore nga ana e institucioneve, si: (i) Mos nxjerrja e aktit nënligjor nga ana e Ministrisë së Bujqësisë, Pylltarisë dhe Zhvillimit Rural, me të cilën do të përcaktohej mënyra e licencimit dhe e rregullimit të rezervateve dhe vendstrehimeve të kafshëve me dhe pa pronarë në pajtim me Ligjin për përkujdesjen e kafshëve; (ii) mos zbatimi i Udhëzimit Administrativ për identifikimin dhe regjistrimin e kafshëve shoqëruese nga ana e Agjencisë së Ushqimit dhe Veterinës, me të cilën do të nxitej pronësi e përgjegjshme e qenve; (iii) mos zbatimi i Ligjit për Veterinarinë, i cili përcakton përgjegjësi specifike për komunat; (iv) mos zbatimi i Udhëzimit Administrativ për kushtet teknike, të cilat duhet plotësuar qendrat e trajtimit të përkohshëm të kafshëve endacake; (v) shkelja e të drejtave dhe lirive themelore të njeriut nga ana e organeve të përmendura, si e drejta për jetë, në siguri dhe shëndet, liri të lëvizjes; (vi) dështimi i mbrojtjes së integritetit fizik dhe psiqik të qytetarëve të Republikës së Kosovës.

Intitucionet e Republikës së Kosovës bartin përgjegjësi pozitive për të zbatuar ligjin në tërësi, përfshirë miratimin e akteve nënligjore. Këto institucione kanë dështuar të mbrojnë të drejtat dhe liritë themelore të Kosovares dhe Afërditës, të cilave ju është shkaktuar dëm fizik dhe psikik nga sulmi i qenve endacakë.
GLPS dhe qytetaret paditëse synojnë që, përveç kompensimit të dëmit material dhe jomaterial, Ministria e Bujqësisë, Pylltarisë dhe Zhvillimit Rural, Agjencia e Ushqimit dhe Veterinarisë dhe Komuna e Prishtinës ta zbatojnë legjislacionin në fuqi dhe t’i ndërmarrin masat e duhura për mbrojtjen e jetës së qytetarëve nga
qentë endacakë.

Prishtina Insight: Supreme Court Upholds Suspension of ‘Adventure Park’ Project

Acting on NGOs’ requests, the Supreme Court on May 4 enforced the Court of Appeal’s suspension of the ‘Adventure Park’ project in the protected area of Gërmia Park.

The Group for Legal and Political Studies, GLPS, and Active Citizens NGOs have welcomed the decision of the Supreme Court to reject the appeal of the Municipality of Prishtina to the Court of Appeal for an extraordinary review of the suspension of the Adventure Park project in Prishtina.

The ruling leaves the earlier decision of the Court of Appeal in force.

The non-governmental organizations had opposed the Municipality of Prishtina’s issue of a permit to construct a park in an area home to some of the oldest trees in Kosovo.

The organizations said the municipality had wrongly issued the permit for construction in a protected area, voicing suspicions that legal procedures had been breached.

“The Supreme Court rejected the request of the Municipality of Prishtina for an extraordinary review of the court decision, leaving in force the Decision of the Court of Appeal, which also rejected as unfounded the appeal of the Municipality of Prishtina against the Decision of the Basic Court, by which the execution of the Decision of the Municipality of Prishtina, specifically the municipal environmental permit, was postponed,” the GLPS notification said.

According to the notification, the Supreme Court found that the courts of lower instances acted correctly when deciding to approve their request and that of Active Citizens, to delay execution of the project until a final decision is made in the case.

Flutra Zymi, from Active Citizens, and Valbona Mustafa, an environmental activist, hailed the ruling as a victory for all citizens. According to them,  this means that the project will not be able to be developed and Germia Park will not be endangered until a final decision is made by the court.

At the end of 2020, the Municipality of Prishtina signed a contract with the Swiss Development Agency for the “Adventure Park” project, which was expected to include about 70 acres with some improvisations and a hiking trail.

The project was to extend from the village of Butovc towards Gërmia Park.

Representatives from the Swiss Development Agency in 2021 stated

that installations on the trees would be done according to European standards, without drilling into them.

It also declared that no vegetation or the biodiversity of the park would be violated or destroyed.

In March 2021, the Basic Court in Prishtina approved the request of GLPS and Active Citizens to postpone the execution of the “Adventure Park” project within the area of protected landscape.

SOURCE: https://prishtinainsight.com/supreme-court-upholds-suspension-of-adventure-park-project/

CSL: Gjykata Supreme konfirmon pezullimin e “Parkut të Aventurave” në Gërmi

Qendra për Raste Gjyqësore Strategjike (CSL), platformë e themeluar nga Grupi për Studime Juridike dhe Politike (GLPS) ju njofton se: Gjykata Supreme ka konfirmuar pezullimin e “Parkut të Aventurave” në Gërmi!

Kemi kënaqësinë të ju njoftojmë se Gjykata Supreme e Kosovës ka vendosur përfundimisht që të mbetet në fuqi pezullimi i projektit “Parku i Aventurave” në Gërmi deri në vendosjen përfundimtare të rastit sipas padisë.

Gjykata Supreme ka refuzuar kërkesën e të paditurës Komuna e Prishtinës për rishqyrtim të jashtëzakonshëm të vendimit gjyqësor, duke lënë në fuqi Aktvendimin e Gjykatës së Apelit, me të cilin gjithashtu ishte refuzuar si e pabazuar ankesa e Komunës së Prishtinës kundër Aktvendimit të Gjykatës Themelore me të cilin ishte shtyrë ekzekutimi i Vendimit të Komunës së Prishtinës, konkretisht lejes mjedisore komunale.Gjykata Supreme ka konstatuar se gjykatat instancave më të ulëta kanë vepruar drejtë kur kanë vendosur që të aprovojnë kërkesën tonë dhe të Qytetarëve Aktivë për shtyrje të ekzekutimit të vendimit të organit administrativ deri në vendosjen përfundimtare të rastit. Gjykata e shkallës më të lartë konfirmoi se, vendimet e gjykatave kanë dalë nga provat që vërtetojnë se ekzekutimi i vendimit të kontestuar paraqet rrezik për shkaktim të dëmit paditësve, i cili vështirë do të riparohej, duke marrë parasysh dëmin që mund t’i shkaktohet një parku të mbrojtur mjedisor dhe degradimit të natyrës. Po ashtu, është vërtetuar se kompanisë nuk do t’i shkaktohej ndonjë humbje e madhe, gjë që do të thotë se janë plotësuar kushtet ligjore për aprovimin e kërkesës për shtyrje të ekzekutimit të vendimit.

Flutra Zymi nga OJQ ‘Qytetarët Aktivë’ dhe dhe Valbonë Mustafa eksperte mjedisore, e konsideruan këtë vendim një fitore shumë e madhe për të gjithë qytetarët! Sepse do të thotë që projekti nuk do të mund të zhvillohet dhe se Parku i Gërmisë nuk do të rrezikohet deri në marrjen e një vendimi përfundimtar nga ana e gjykatës. Ato bënë thirrje që ambienti të mbrohet dhe që aktivizmi qytetar të mos ndalet kur shkelje të tilla janë evidente.

Gjykata Themelore në Prishtinë përsëri ka aprovuar propozimin e GLPS dhe OJQ ‘Gjethi’ për shtyrjen e ekzekutimit të Vendimeve për Leje Ujore dhe Mjedisore për Hidrocentralin Lepenci 3

Qendra për Raste Gjyqësore Strategjike (CSL) njofton se Gjykata Themelore në Prishtinë përsëri ka aprovuar propozimin e GLPS dhe OJQ ‘Gjethi’ për shtyrjen e ekzekutimit të Vendimeve për Leje Ujore dhe Mjedisore për Hidrocentralin Lepenci 3

Oganizatat GLPS dhe Gjethi, në fund të vitit 2021, kanë paraqitur nëpërmjet Qendrës për Raste Gjyqësore Strategjike padi me kërkesë për shtyrje të ekzekutimit të Vendimit për Lejen Ujore dhe të Vendimit për lëshimin e Lejes Mjedisore të lëshuara nga Ministria e Mjedisit, Planifikimit Hapësinor dhe Infrastrukturës për Hidrocentralin Lepenci 3 në Kaçanik.

Lidhur me kërkesën e palës paditëse për shtyrje të ekzekutimit të vendimeve të kontestuara, Gjykata Themelore, Departamenti për Çështje Administrative përsëri ka vërtetuar se paditëset kanë ofruar prova të besueshme, të cilat vërtetojnë faktin se ekzekutimi i vendimeve do t’i sillte dëm paditësve, i cili dëm vështirë do të riparohej dhe se shtyrja e ekzekutimit të vendimeve të kontestuara nuk është në kundërshtim me interesat e publikut. Andaj, Gjykata ka vendosur që të aprovojë shtyrjen e ekzekutimit të vendimeve të kontestuara deri në vendosjen përfundimtare të çështjes.

Gjykata e Apelit kishte prishur Aktvendimin e parë të Gjykatës Themelore për këtë çështje, pas ankesave të parashtruara nga e paditura dhe pala e interesuar duke e kthyer lëndën në gjykatën e shkallës së parë për rivendosje, me qëllim të eleminimit të dilemave e afatshmërisë së padisë. Në këtë drejtim Gjykata Themelore kishte kërkuar nga paditëset të paraqesin prova për të vërtetuar afatshmërinë e padisë dhe pas paraqitjes së provave Gjykata Themelore konstatoi se padia është paraqitur brenda afatit ligjor.

GLPS dhe Gjethi mirëpresin vendimin e gjykatës dhe mbesin të përkushtuar në mbrojtjen e të drejtës së qytetarëve në pjesëmarrje në vendimmarrje, mbrojtjen e natyrës dhe luftimin e shmangies së kërkesave ligjore nga institucionet publike.

GLPS dhe Gjethi për shtyrjen e ekzekutimit të Vendimit për Leje Ujore dhe të Vendimit për Leje Mjedisore për Hidrocentralin Lepenci 3

Qendra për Raste Gjyqësore Strategjike (CSL), platformë e themeluar nga Grupi për Studime Juridike dhe Politike (GLPS) ju njofton se:

Gjykata Themelore në Prishtinë, Departamenti për Çështje Administrative, ka aprovuar propozimin e GLPS dhe Gjethi për shtyrjen e ekzekutimit të Vendimit për Leje Ujore dhe të Vendimit për Leje Mjedisore për Hidrocentralin Lepenci 3 – Kaçanik, të lëshuara nga Ministria e Mjedisit, Planifikimit Hapësinor dhe Infrastrukturës deri në vendosjen meritore të çështjes

Më 30 dhjetor 2021, organizatat GLPS dhe Gjethi kanë paraqitur nëpërmjet Qendrës për Raste Gjyqësore Strategjike padi me kërkesë për shtyrje të ekzekutimit të Vendimit për Lejen Ujore me Nr. Prot. 6724-2/19 dhe të Vendimit për lëshimin e Lejes Mjedisore me nr. Prot 1948-4/19 të lëshuara nga Ministria e Mjedisit, Planifikimit Hapësinor dhe Infrastrukturës për Hidrocentralin Lepenci 3 në Kaçanik.

Gjykata Themelore në Prishtinë, Departamenti për Çështje Administrative ka aprovuar si të bazuar propozimin e GLPS dhe Gjethi për shtyrjen e ekzekutimit të vendimeve të cekura deri në vendosjen meritore të çështjes. Gjykata ka vlerësuar se ekzekutimi i këtyre vendimeve do t’i sillte dëm natyrës, i cili vështirë do të riparohej dhe se shtyrja e tillë nuk është në kudërshtim me interesin publik e as nuk do t‘i sillte dëm të madh palës kundërshtare. GLPS dhe Gjethi mirëpresin vendimin e gjykatës dhe mbesin të përkushtuar në mbrojtjen e të drejtës së qytetarëve në pjesëmarrje në vendimmarrje, mbrojtjen e natyrës dhe luftimin e shmangies së kërkesave ligjore nga institucionet publike.

Siç kanë theksuar organizatat paditëse në padi, procesi që i ka paraprirë lëshimit të Lejes Ujore dhe Lejes Mjedisore për Hidrocentralin Lepenci 3 në Kaçanik, ka pasur shkelje ligjore si:

(i) mos-zbatimi i procedurës së koncesionit

(ii) mungesa e debatit publik apo mungesa e njoftimit adekuat të publikut për të,

(iii) degradimi i natyrës e cila rrethon lumenjtë dhe përtej saj,  si dhe

(iv) mohimi i të drejtës së banorëve të Kaçanikut për ujë të pijshëm dhe të ujitjes,

Qendra dorëzon padi kundër Lejes Ujore dhe Lejes Mjedisore për Hidrocentralin Lepenci 3

Qendra për Raste Gjyqësore Strategjike (CSL), platformë e themeluar nga Grupi për Studime Juridike dhe Politike (GLPS) ka dorëzuar: “Padinë për Konflikt Administrativ kundër Lejes Ujore dhe Lejes Mjedisore për Hidrocentralin Lepenci 3 në Kaçanik të lëshuara nga Ministria Mjedisit, Planifikimit Hapësinor dhe Infrastrukturës”

Organizatat paditëse GLPS dhe OJQ Gjethi kanë paraqitur Padi për Konflikt Administrativ për të kontestuar Lejen Ujore dhe Lejen Mjedisore për Hidrocentralin Lepenci 3 në Kaçanik të lëshuara nga Ministria Mjedisit, Planifikimit Hapësinor dhe Infrastrukturës. Ky rast është vazhdimësi e rasteve strategjike të cilat Qendra i dërgon në Gjykatë, e që kanë të bëjnë me cenimin e të drejtës së qytetarëve për ambient të pastër dhe të shëndetshëm. Qendra i ngrit në gjykatë rastet e shkeljeve të institucioneve publike, të cilat dëmtojnë shumë qytetarë dhe nëpërmjet padive dhe mjeteve tjera juridike synon t’i rregullojë këto shkelje, si dhe në të njëjtën kohë, synon të ngrisë vetëdijen qytetare për probleme të caktuara në sistemin tonë. I tillë është edhe rasti i ndërtimit të Hidrocentralit Lepenci 3 në Kaçanik.

GLPS dhe Gjethi konsiderojnë se procesi që i ka paraprirë lëshimit të Lejes Ujore dhe Lejes Mjedisore për HC Lepenci 3, ka pasur shkelje ligjore si në vijim: (i) mos-zbatimi i Procedurës së Koncesionit (ii) mungesa e debatit publik apo mungesës së njoftimit adekuat të publikut për të, (iii) degradimi i natyrës e cila rrethon lumenjtë dhe përtej saj, si dhe (iv) mohimi i të drejtës së banorëve të Kaçanikut për ujë të pijshëm dhe të ujitjes, (iii).Organizatat paditëse synojnë të anulojnë të gjitha lejet ujore/mjedisore dhe vendimet tjera të lëshuara në këtë proces si dhe të shtyjnë ekzekutimin e të gjitha këtyre derisa gjykata të marrë një vendim përfundimtar për ligjshmërinë e tërë procesit

Punëtoria: Efikasiteti në mbrojtjen e ambientit përmes rasteve strategjike, inspektimeve, ndjekjes penale dhe gjykimit të këtyre rasteve

Qendra për Raste Gjygësore Strategjike (CSL) organizon punëtorinë me temën: “Efikasiteti në mbrojtjen e ambientit përmes rasteve strategjike, inspektimeve, ndjekjes penale dhe giykimit të këtyre rasteve”

Kjo punëtori synon të hapë një diskutim rreth efikasitetit dhe mbrojtjes së mjedisit nga disa perspektiva dhe hallka të sistemit ekzistues. Më konkretisht do të shërbejë si forum për diskutimin e ideve, përvojave dhe rekomandimeve mbi temën nga perspektiva disa akterëve duke filluar nga Gjyqësori, Prokuroria, Institucioni i Avokatit të Popullit, Inspektorati i Mjedisit, Inspektorati i Punës dhe përfaqësuesve të Qendrës për Raste Gjyqësore Strategjike.

Kjo ngjarje organizohet në kuadër të projektit: HumanRightivism ‘financuar nga Agjencia Suedeze për International Development (SIDA) përmes Ambasadës Suedeze në Kosovë, dhe zbatohet nga Fondi për Zhvillim Komunitar (CDF).